Xarunaha codeynta ee loogu talagalay doorashooyika ayaa ka furmay dalka Lubnaan,taasoo ah markii ugu horeysay tartan loo galayo Baarlamaanka dalkaasi mudd laga joogo sagaal sano.
Tartanka codeynta ee maanta bilaawday ayaa loo arkaa in ay ku loolamayaan 583 musharax oo doomaya 128-da kursi ee baarlamaanka dalkaasi.
Sanadkan waxyaabaha ugu waa wayn oo laga diiwaan galiyay doorashada dalkaasi ayaa ah inay isa soo sharxeen tiradii ugu badnayd oo haween ah.
3.8 milyan oo reer Lubnaan ah ayaa is-diiwaangelisay inay ka qayb galaan doorashooyinka Baarlamaaniga ah ee dalkaasi.
Waxaa sanduuqyada cod-bixinta ay gaarayaan sida la sheegay in ka badan 6,800 kuwaasi oo la dhigay dhammaan xarumaha doorashooyinka dalka Lubnaan.
Maalinimadii Sabtida, ciidamada Mileteriga Lubnaan ayaa la dhigay guud ahaan Magaallooyinka Waawayn, Deegaan Doorashooyinka dalkaasi si ay ugu diyaargaroobaan codeynta doorashada Baarlamaanka iyo inay u diyaar goroobaan Cabsida laga qabo inay abuurmaan Qalalaaso siyaasadeed.
Doorashooyinkaan ayaa dhacaya markii ugu horeysay 9-sano kadib ayadoo dalkaasi ay ka jireen khalalaaso siyaasadeed oo dhaliyay in dalka muddo 2-sano ah uu Ku jiray marxalad wadanka uu ahaa madaxweyne la’aan.
Wadanka waxaa siyaasad ahaan u kala qaybsan yahay 3-dex Qaybood.
Kursiga Madaxwaynaha dalka waxaa iska leh Masiixiyiinta reer Lubnaan, Ra’iisul wasaaraha waxaa iska leh Muslimiinta Suniga ah halka Guddoomiyaha Baarlamaanka ay leeyihiin Muslimiinta Shiicada ah.
