Wasiirka maaliyadda ee xukuumadda Federaalka ah ee Soomaaliya Cabdiraxmaan Ducaale Beyle ayaa maanta la kulmay Ganacsatada Soomaaliyeed ee wax kala soo dega kana dhoofiya Dekadda magaalada Muqdisho.
Kulanka ayaa yimid ka dib markii wasiirka maaliyadda uu booqday Dekadda magaalada Muqdisho.
Wasiirka ayaa Sidoo kale waxaan kormeeray Dekadda isaga oo u kuurgalayay qaabka ay u socdaan Howlaha dekadda.
“Maanta waxaan la kulmay Ganacsatada Soomaaliyeed oo isugu jira kuwa wax soo dajiya, kuwa wax dhoofiya iyo kuwa ku Ganacsada Suuqyada Muqdisho”, ayuu Ku sheegay Wasiir Beyle qoraal kooban oo uu soo dhigay bartiisa Twitter-ka ka dib kulanka uu la qaatay Ganacsatada.
Waxaan la kulmay Ganacsatada Soomaaliyeed oo isugu jira kuwa wax soo dajiya, kuwa wax dhoofiya iyo Ganacsada Suuqyada. Waxa ugu muhiimsan ee aan ka wada hadalnay waxa ay aheeyd in si wadajir ah loo bixiyo Canshuurta Dalka. Sidoo kale waxaan kormeeray Dakada Muqdisho. pic.twitter.com/RZ4HG2Cgxs
— Dr Abdirahman Beileh (@DrBeileh) January 20, 2018
Waxyaabaha ugu muhiimsan ee kulanka looga hadlay waxa ka mid ahaa sidii hab wadajir ah loo bixin lahaa Canshuurta Dalka.
