Wasiirka Maaliyadda oo booqday taliska ciidanka booliiska (Sawiro)

470

Wasiirka Maaliyadda Xukuumadda Federaalka Soomaaliya Dr. Cabdiraxmaan Ducaale Beyle, ayaa maanta Isniin ah booqday  xarunta Taliska Ciidaanka Booliiska Soomaaliyeed ee magaalada Muqdisho.

Wasiirka ayaa  xarunta  taliska booliiska ee magaalada Muqdisho  kula kulmay  Taliyaasha ugu sarsaraysa  laamaha amniga dowladda Federal-ka.

Wasiir Beyle iyo madaxda laamaha amniga ayaa kulanka ay yeesheen waxaa ay uga  hadleen maagelinta Hey’adda amniga dalka,  gaar ahaan Booliska iyo Militariga.

Sidoo kale waxaa ay isla soo  hadal qaadeen arrimaha  dhaqaallaaha ciidanka amaanka iyo caddaaladda iyo sugnaanta mushaaraadkooda.

“Waxaan booqday xarunta taliska ciidanka booliiska Soomaaliya si aan ula kulmo hogaamiyaasha qaybta amaanka, si aan ugala hadlo maalgalinta ammaankeena.#Caddaalad #Mushaar # Hormar” ayuu ku yiri wasiirka Maaliyadda xukuumadda Soomaaliya oo qoraal kooban oo uu soo dhigay bartiisa Twitter-ka.

 

SHARE