Wasiir Beyle oo shirar looga hadlayo dhaqaalaha Soomaaliya uga qeybgalaya Washington

416

Muqdisho, Maarso 19, 2022, Wasiirka Maaliyadda dowladda Federaalka Soomaaliya Dr. Cabdiraxmaan Ducaale Beyle ayaa ku sugan magaalada Washington D.C ee Caasimadda dalka Mareykanka halkaasi oo shirar heer sare ah uu kula yeelanayo madaxda Hey’adda IMF yo Bangiga Adduunkan iyo xubno sarsare oo ka tirsan Wasaaradda arrimaha dibedda iyo Maaliyadda dowladda Mareykanka.

Shirarkaan ayaa diirada lagu saari doonaa halka horurmarada laga sameeyay barnaamijka dib – u – habeynta dhaqaalaha Soomaaliya iyo arrimaha dhamaystirka Deyn cafinta Soomaaliya oo ay ay Hey’addaaha dhaqaalaha calaamka ay muhiim u yihiin.

“Magaalada Washington, waxa aan shirar muhiim ah kula qaadanayaa masuuliyiinta Hey’adaha dhaqaalaha Caalamka sida Bangiga Adduunka iyo IMF oo maalmaha soo socda aan ka wada hadli doonno dhameystirka hanaanka dib-u-habeynta Maaliyadda Soomaaliya.

Waxaa naga go’an in aan horumarino hanaanka gaba-gabada deyn_Cafinta Soomaaliya oo aan u soo marnay waddo dheer iyo Dadaal fara badan.” Ayuu yiri Wasiirka Maaliyadda Soomaaliya.

Booqashada Wasiirka Maaliyadda Soomaaliya ayaa imanaysa iyadoo markale ay waqtigii loo qabtay in lagu soo gabagabeeyo Doorashooyinka Baarlamaanka ay dib uga dhaceen. Wafdiga Wasiirka Maaliyadda Soomaaliya waxa ku wehliya Danjiraha dowladda Federaalka Soomaaliya ee Washington Amb. Cali Shariif Axmed.

Dowladda Federaalka Soomaaliya ayaa doonayso in ay dardar-geliso barnaamijka Deyn Cafinta iyo taageerada farsamo ee dhanka soo kabashada dhaqaalaha Soomaaliya.

Hey’adda Lacagta Adduunka ee IMF ayaa toddobaadkii hore qiimayn ay ku samaysay dhinacyada dib u habeynta dhaqaalaha iyo barnaamijka la socodka shaqaalaha dowladda Federaalka ku sheegtay in Soomaaliya ay horumar ka samaysay nidaamka iyo dib u habaynta hannaanka Maaliyadda dalka.

SHARE