Wasiirka Wasaaradda Maaliyadda ee Xukuumadda Federaalka ah ee Jamhuuriyadda Soomaaliya, Mudane Cabdiraxmaan Ducaale Bayle, ayaa maanta hortagay Golaha Baarlamaanka Soomaaliya kuwaasi oo maanta shir ku yeeshay xaruntooda ee magaalada Muqdisho.
Wasiir Beyle, ayaa Xildhibaanada Golaha shacabka ee Jamhhuuriyadda Federal-ka ah ee Soomaaliya ka hor akhriyay Hindise-sharciyeedka Sharciga Maareynta Maaliyadda oo Wasaaraddiisa Maaliyaddu ay soo diyaarisay.
Cabdiraxmaan Ducaale Beyle, ayaa sheegay in Sharcigan uu yahay mid lagu hubinayo Dakhliga maaliyadeed ee Dowladda Federal-ka ah ee Soomaaliya islamarkaana uu yahay mid muhiim u ah Maaliyadda Qaranka.
Waxaana uu xusay in uu xoojinayo Maaliyadda iyo Maamulkeeda wax badanna uu ku samaynayo habka Maaliyadda Dalka.
” Shircigaan waa Sharciga haggi doonna Maaliyadda Dalkeena ee gudaha iyo dibada ka yimaada, waxuu sharcigan xoojinayaa Maaliyada iyo Maamulkeeda, waxuu qeexayaa Awooddaha dadka ka shaqeeya Maaliyadda, waxa uu qeexayaa Wasiirka iyo Arrimaha Masuuliyaddiisa, waxuu qeexayaa shaqaallaha Bankiga iyo xaquuqdooda, waxuu ka hadlayaa Maamulka Lacagta iyo qorsheyaashiisa” ayuu Beyle ka hor sheegay kulanka xildhibaanada Baarlamaanka.
