Madaxweynaha Mareykanka Donald Trump ayaa si ku-meel-gaar ah u saxiixay sharciga gargaarka coronavirus-ka iyo kharashaadka ku baxa qarashka dowladda, si looga hortago xirnaanshaha qeyb ka mid ah Hey’adda dowladda.
Mr Trump ayaa horey u diiday inuu saxiixo sharcigaan, isagoo dhaleeceeyay kuna tilmaamay “qarash gareynta waqti lumis ah” wuxuuna ku baaqay in lacag badan la siiyo dadka uu ku dhacay musiibada.
Dib-u-dhaca ayaa ka dhignaa in malaayiin si kumeelgaar ah u waayeen gargaaka shaqo la’aanta.
Xirmada gargaarka ee qiimihiisu yahay $ 900 bilyan oo doollar ayaa waxaa ansixiyay Koongaraska kadib bilo wadahadal ah.
Waa qeyb ka mid ah $ 2.3 tirilyan oo xirmo kharash ah oo ay ku jiraan $ 1.4 tirilyan oo loogu talagalay kharashaadka dowladda federaalka ee caadiga ah.
Sharci dajiyayaasha Jamhuuriga iyo Dimuqraadiga waxay madaxweynaha ka codsanayeen inuu saxeexo ka hor intaanu waqtugu ku dhicin ugu dambayn saqda dhexe ee Isniinta.
Hadduusan sidaas ahayn, hay’adaha dowladda qaarkood waa inay xirnaadaan, haddii aysan sharci-dajiyayaashu ansixin karin sharciga joojinta.
Qiyaastii 14 milyan oo Mareykan ah ayaa soo wajahday dib u dhac ku yimid lacag bixinta lacagta shaqo la’aanta iyo jeegaga cusub ee kicinta.
Faa’iidooyinka shaqo la’aanta hadda waa la soo celin doonaa. Ka dib markii xeerka gargaarka coronavirus-ka ee gargaarka si aqlabiyad leh looga gudbiyay Aqalka Wakiilada iyo Senate-ka Isniintii la soo dhaafay, Mr Trump wuxuu soo saaray hanjabaad diidmada qayaxan ah, isagoo ku tilmaamay xirmada inay tahay “ceeb” oo ay ka buuxaan waxyaabo “qashin” ah.
Sharciga waxaa ku jira in $ 600 doollar la siiyo dadka Mareykanka ah ee qaata wax ka yar $ 75,000 sanadkii. Mr Trump wuxuu sheegay inuu doonayo dadka Mareykanka inay helaan $ 2,000 – laakiin Jamhuuriyiinta Koongaraska ayaa diiday inay aqbalaan isbedelka.
Mr Trump wuxuu sidoo kale ku gacan seyray lacagta gargaarka sanadlaha ah ee loogu talagalay wadamada kale ee ku jira miisaaniyadda federaalka, isagoo ku doodaya in lacagahaasi ay taa badalkeeda u baxaan dadka mareykanka ah ee dhibaataysan.
Mareykanka ayaa waxaa aad saamayn wayn ugu yeeshay xanuunka safmarka ah ee Covid-19. Kiisaska cudurka Corona Fayras ee gudaha Mareykanka ayaa gaaray 19 milyan.