Tirada dhimashada Coronavirus ee dalka Mareykanka ayaa kor u dhaaftay 90 kun iyadoo tirada guud ee la xaqiijiyay ee kiisasma COVID-19 ay kor u dhaaftay 1.5 milyan guud ahaan dalka Mareykanka, sida laga soo xigtay xogta Jaamacadda Johns Hopkins.
Dhacdooyinka murugada leh ayaa yimid markii Madaxweynaha Mareykanka Donald Trump uu bartiisa twitterka ku soo qoray “Dib-u-fura dalkeenna!” iyadoo Aqalka Cad uu isku dayay inuu tirada dhimashada badan ee Corona Fayras uu eedda dusha ka saaro, saynisyahanada dalka.
Axadii, xubno ka tirsan maamulka Madaxweyne Trump ayaa isku khilaafay in Xarumaha Mareykanka ee Xakamaynta iyo Ka hortagga Cudurrada (CDC) ay waddanka ka niyad jabiyeen dadaallada ku aadan baaritaanada cudurka Corona Fayras dalka gudihiisa.
Caalamka, waxaa jiray in ka badan 4.7 milyan oo kiisaska la yaqaan ee COVID-19, waxaana ku dhawaad 315,000 kun oo qof ay dhinteen cudurkaan, sida laga soo xigtay Jaamacadda Johns Hopkins ee dalka Mareykanka. In ka badan 1.7 milyan oo qof ayaa soo ka bogsaday cudurka.