Ra’iisul Wasaaraha Pakistan oo Aqalka Cad kula kulmaya Madaxweyne Trump

38

Ra’iisul wasaaraha dalka Pakistan Imran Khan ayaa booqasho ku tagaya Aqalka Cad isagoo wadahadaladii ugu horeeyay ee fool ka fool ah la yeelan doono Madaxweynaha Mareykanka Donald Trump.

Kulanku wuxuu qayb ka yahay dadaalka lagu xoojinayo xiriirka Pakistan iyo Mareykanka, kaasi oo colaada dalka deriska ah ee Afghanistan darteed u xumaaday.

Mr Trump ayaa hoos u dhigay gargaarka amniga ee Pakistan horaantii sanadkii hore, isagoo ku eedeeyay dalka “been iyo khiyaano”.

Mr Khan ayaa sheegay in taageerada Mareykanku ay ahayd “mid yar” marka la barbardhigo waxa ay keentay “dagaalka argagixisada” ee Mareykanka ay ugu kacday Pakistan.

Tan iyo markii uu ku guulaystay doorashadii guud ee Pakistan sanad ka hor, wuxuu ku baaqay “xiriir wax wada labada dhinacba ka faa’iidayaan in ” lala yeesho Mareykanka, iyada oo laga hadlaayo dhaleeceyn baaxad leh oo ku saabsan xeeladaha la dagaalanka argagixisada ee Mareykanka sida weerarrada diyaaradaha aan la wadin.

Maamulka madaxweyne Trump ayaa isku dayayaa inuu ka hadlo qorshaha la bixitaanka ciidamadiisa militariga ah ee Afgaanistaan ​​iyo wada xaajooda la galo Taliban, oo ah koox dagaalyahaniin ah oo muddo dheer lagu eedeynayay Pakistan inay taageerto.

Labada hoggaamiye waxay ay u badan tahay in ay ka wada hadlaan ganacsiga iyo maalgashiga iyadoo Ra’iisul Wasaare Khan uu ku dagaalamayo inuu dheelo dheelitirka dhibaatooyinka lacagaha kadib markii Sanduuqa lacagta adduunka ee IMF uu amaahiyay lacag deyn ah.

Tan iyo markii uu Donald Trump xilka qabtay sannadkii 2017, xiriika Mareykanka iyo Pakistan ma wanaagsanayn, isaga oo ku eedeeyay in Pakistan ay taageerto kooxaha Islaamiyiinta ah iyo in ay marin habaabinayso Mareykanka. Eedeyntaasi oo ay beenisay Islamabad.

SHARE