Rabshasho ayaa ka socda magaalooyin ku yaal Mareykanka maalintii lixaad oo ay dhigayaan dibadbaxyaal ka soo horjeeda dhimashada George Floyd oo ah nin madow ah oo Booliiska dildeen.
Bandow ayaa lagu soo rogay ku dhawaad 40 magaalo, laakiin dadku si aad ah ayay isaga indha tireen taas oo horseedaysa kacdoonno kacsan.
Booliska rabshadaha ka hortaga iyo dadka bannaan baxaya ayaa isku dhacay magaalooyinka, New York, Chicago, Philadelphia iyo Los Angeles, Booliiska ayaa adeeegsanayay sunta dadka ka ilmeeyaysiisa iyo rasaasta caaga si ay isugu dayaan inay kala eryaan dadka isku soo baxay.
Gawaarida booliiska ayaa dab la qabadsiiyay waxaana la boobay dukaamo ku yaalla magaalooyin dhowr ah.
Ilaalada Qaranka – oo ah keydka millatari ee Mareykanka ee xaaladaha degdegga ah ee gudaha- ayaa sheegay Axadii in 5,000 kun oo ka mid ah ciidanka heegan laga geliyay ilaa 15 gobol oo ku jirto Washington, DC, halkaas oo dad badani mar kale isugu soo urureen meel u dhow Aqalka Cad, markan dab la qabadsiinayo oo dhagxaan ku tuuraya saraakiisha rabshadaha.
“Hay’adaha fulinta sharciga ee maxalliga ah iyo kuwa maxalliga ahba waxay mas’uul ka yihiin amniga,” waxaa sidaas sheegay ilaalada qaranka.
Waxaa soo shaac baxay in rabshadihii habeenimadii jimcaha, madaxweyne Donald Trump si kooban ilaalada sirdoonka ugu qaadeen goob amni ah oo dhulka hoostiisa ee Aqalka Cad, nabadgelyadiisa loo ilaaliyo.
Rabshadaha Mareykanka ka socda maalintii 6aad ayaa ka dhashay nin madow Mareykanka ah oo booliisku jilib uu qoorta uga qabtay u dhintay kaddib markii uu needsan wayay.