Morocco: 500 oo qof oo tahriibayaal ah oo la badbaadiyay

518

Ciidamada Badda ee Dalka Morocco ayaa  Shalay oo  ahayd Arbaco waxaa ay sheegeen inay  soo badbaadiyeen 110 Qof oo Tahriibayaal ah, kuwaas oo ku safrayay Saddex Dooniyood, sida ay sheegeen laamaha ammaanka Dalka Morocco.

Howl-gallo kale oo ay Ciidamada Badda ee Dalka Spain ka sameeyeen marinka Gibraltar ee u dhexeeya Labada Dal ayaa sidoo kale lagu soo badbaadiyay 399 Musaafuriin sharci darra ah, kuwaas oo iyana ku socdaalayay 29 Dooniyood.

Hay’adda socdaalka Adduunka ee IOM ayaa xog uruurintii ugu dambeysay ee ay soo saartay, waxa ay ku sheegtay Sanadkan oo keliya inay ka tahriibeen marinka u dhexeeya Marooko iyo Spain in ka badan 50,000 oo Qof, kuwaas oo 1,500 oo ka mid ihi ay halkaa ku Naf waayeen.

SHARE