Golaha Mileteriga ee Ku-meelgaarka ah ee Suudaan (TMC) iyo isbahaysiga ugu weyn ee mucaaradka ayaa gaarey heshiis waqti cusub ah oo lagu soo dhisayo dowlad ku-meel-gaar ah, sida uu sheegay Midowga Afrika.
Mohamed Hassan Lebatt, oo ah dhexdhexaadiyaha Midowga Afrika ee Suudaan, ayaa sheegay in wakiilo ka socda labada dhinac – kooxaha rayidka ah ee taageerayaasha dimuqraadiyadda iyo milatariga – ay sii wadi doonaan wadahadalada maalinta Sabtida ah ee ku saabsan faahfaahinta farsamo ee heshiiska.
“Waxaan ku dhawaaqayaa aragtida Sudan, Afrika iyo bulshada caalamka in labada dhinac ay si buuxda ugu heshiiyeen ku dhawaaqida dastuurka,” ayuu Lebatt ka sheegay shir jaraa’id subaxnimadii hore ee Sabtida.
Dukumentigaan oo qeexaya awoodaha iyo cilaaqaadka ka dhexeeya laamaha dowladda ku meel gaarka ah, ayaa yimid ka dib toddobaadyo ay wadahadalo muddo dheer socday ay hormuud ka ahaayeen Midowga Afrika iyo Itoobiya dariska ah xilli rabshado goos goos ah ay ka dhacayeen caasimadda Khartoum iyo magaalooyin kale.
Suudaan waxay ku jirtay xaalad jahwareer siyaasadeed kadib markii ciidanku awoodda ka tuuray hoggaamiyihii hore ee Omar al-Bashiir bishii Abriil, iyada oo daraasiin ka mid ah dibadbaxayaasha la diley intii ay socdeen mudahoraadyada waddooyinka.
Markii warkii heshiiska uu soo baxay, dadku waxay bilaabeen in ay isugu soo baxay Wadada Nile Street, wadada ugu weyn ee caasimada Khartuum, hoonka gawaarida iyo dabaaldega xaflada.