Maxaabiis Libya laga soo daayay oo ka soo degay Muqdisho (Sawiro)

597

Magaalada Muqdisho  waxaa maanta laga soo dajiyay maxaabiis cusub oo laga keenay dalka Libya, kuwaasi oo ay xabsiyada ka soo daysay dowladda Federalka Soomaaliya.

Maxaabiistaan ayaa tiradooda waxa ay gaareysaa illaa 13 dhalinyaro ah kuwaasi oo  doortay in dalkooda  dib loogu soo celiyo, iyadoo tiro kale oo dhalinyaro ah iska diideen in dalkooda lagu soo celiyo.

Masuuliyiin ka tirsan dowladda Federalka Soomaaliya ayaa dhalinyaradan waxa ay ku soo dhaweeyeen Garoonka Aadan Cadde ee Magaalada Muqdisho.

Dhalinyaradan ayaa waxaa laga soo daayay xabsiyada Tajora iyo Sika ee dalka libya, inkastoo ay jiraan dhalinyaro kale oo fara badan, kuwaasi oo xabsiyada wali ku jira.

Dowladda Soomaaliya ayaa ku dadaalaysa sidii dhalinyaradaasi xabsiyada ku xiran dalkooda Hooyo loogu soo celin lahaa, inta doonaysa in dalka dib loogu soo celiyo.

Waa qeybntii Saddexaad ee laga soo daayo dalka Liibiya.

SHARE