Madaxweynaha Soomaaliya Maxamed Cabdullaahi Farmaajo iyo Marwadiisa Zaynab Cabdi Macalin ayaa magaalada New York ee dalka Mareykanka kula kulmay Madaxweynaha Mareykanka Donald Trump.
Madaxweyne Farmaajo iyo marwada kowaad ayaa ka qeyb galay kulan soo dhaweyn ah oo uu Madaxweynaha Mareykanka Donald Trump u sameeyay madaxdii kasoo qeyb gashay Meertada 74-aad ee Golaha Qaramada Midoobay.
Madaxtooyada Soomaaliya ayaa barteeda Facebook ayaa lagu daabacay sawir ay Madaxweyne Farmaajo iyo Marwadiisa ay dhinacyada ka taagan yihiin madaxweyne Trump iyo xaaskiisa Melania Trump.
Madaxweyne Farmaajo ayaa Mareykanka uga qeybgalaya fadhiga sanadlaha ah ee Golaha Qaramada Midoobay.