Madaxweyne Farmaajo oo ka qeybgalay Caleema saarka Madaxweynaha cusub ee Koonfur Afrika

423

Pretoria – Madaxweynaha dowladda Federaalka Soomaaliya Maxamed Cabdullaahi Farmaajo ayaa ka qeyb galay munaasabadda caleemo-saarka Madaxweynaha cusub ee Dalka Koonfur Afrika Cyril Ramaphosa.
Madaxwynaha oo munaasabaddan kaga qeyb galay magaalada Pretoria ayaa ugu hambalyeeyay Madaxweyne Ramaphosa xilka cusub ee loo igmaday, isaga oo bogaadiyay horumarka ay dowladda iyo shacabka Koonfur Afrika ay ku tallaabsadeen.

Dhankiisa, Madaxweynaha cusub ee dalka Koonfur Afrika Cyril Ramaphosa ayaa uga mahad celiyey wafdiga dowladda Federaalka Soomaaliya ee uu hoggaaminayo Madaxweyne Maxamed Cabdullaahi Farmaajo sida ay u ajiibeen marti qaadka uu u fidiyey ee ku aaddan in ay goob joog ka noqdaan munaasabadda uu xilka kula wareegayo.

Madaxweynaha Somaaliya ayaa inta uu ku suganyahay Koonfur Afrika waxa uu kulamo la yeelan doonaa Jaaliyadda Soomaaliyeed ee ku sugan dalkan, isagoona u kuur galaya xaaladdooda iyo caqabadaha haysta.

SHARE