Madaxweyne Farmaajo oo Hambalyo u diray Madaxweyne Erdogan

Muqdisho (UM) – Madaxweynaha dowladda Federaalka Soomaaliya Maxamed Cabdullahi Farmaajo ayaa u hambalyo u diray Madaxweyne Rajab Dayib Erdogan oo ku guuleystay doorashadii madaxtinimo ee Turkiga ka dhacday.

Madaxweyne Farmaajo oo farriin soo dhigay bartiisa Twitterka ayaa sheegay in Soomaaliya ay sii wadi doonnto xiriirka dhaw ee walaaltinimo ee labada dal ka dhexeeya.

Warbaahinta dalka Turkiga ayaa baahisay in Madaxweyne Erdogan uu ku guulaystay natiijada doorashada madaxtinimo ee dalka Turkiga.

Madaxweyne Erdogan, ayaa helay codadka la tiriyay boqolkiiba 52.6 ,  halka musharaxa la tartamayay  Muharrem Ince uu helay  30.8 boqolkiiba codadka ilaa hadda la tiriyay.

SHARE