Madaxweyne Farmaajo iyo Gudoomiyaha ururka ONLF oo Asmara ku kulmay

1723
Asmara, Eritrea (UM) – Madaxweynaha Soomaaliya Maxamed C/llaahi Farmaajo oo booqasho rasmi ah ku jooga magaalada Eritrea ayay kulmeen hogaamiyaha Ururka ONLF Admiral Maxamed Cumar iyo xubno ka tirsan ururka oo fadhigooda yahay Eritrea.
Admiral Maxamed Cumar Cismaan gudoomiyaha ururka ONLF oo ku sugan dalka Eratareeya oo waraysi siinayay idaacada VOA ayaa sheegay in ay la kulmeen madaxweynaha dawlada federaalka ah ee Soomaaliya Maxamed Cabdilaahi Farmaajo, sidoo kale waxa uu sheegay in madaxweynuhu uu raaligelin ka bixiyay xarigii loo gaystay C/kariin (Qalbi-dhagax) oo ka tirsanaa ONLF oo laga qabtay gudaha Soomaaliya ka dibna loo gacan geliyay dawlada Ethopia.
Qoraal kooban oo uu bartiisa Twitter-ka soo dhigay Agaasimaha Warfaafinta Madaxtooyada Cabdinuur Maxamed Axmed ayuu ku sheegay in Madaxweyne Farmaajo la kulmay Guddoomiyaha ONLF, isla markaana uu Madaxweynaha xoogga saaray baahida loo qabo iskaashiga, nabadgalyadda, horumarka iyo ammaanka Geeska Afrika.

“Madaxweynaha Soomaaliya wuxuu noo sheegay inuu aad uga xunyahay ayuu muujiyay raaligelina ka bixinayo,hadda ka horna mowqifka baarlamaanka uu raacsan yahay ayuu sheegay si qalad ah inay dad kale u maamuleen ayuu sheegay.” ayuu yiri Admiral Maxamed Cumar Cismaan oo wareysi bixiyey. 

RELATED ARTICLESMORE FROM AUTHOR