Madaxweynayaasha Soomaaliya iyo Kenya oo Jabuuti ku kulmay

141

Jabuuti: Madaxweynaha Soomaaliya Maxamed Cabdullaahi Farmaajo iyo Madaxweynaha Kenya ayaa ku kulmay Caasimadda dalka Jabuuti. Kulan waxaa qeyb ka ahaa Madaxweynaha Jabuuti Ismaaciil Cumar Geelle iyo Ra’iisul Wasaaraha Itoobiya Abiy Ahmed.

Soomaaliya iyo Kenya ayaa waxaa ka dhex taagan xiisad diblomaasiyadeed kaddib markii dowladda Federaalka Soomaaliya ay xiriir u jartay Kenya oo ay ku eedesay in ay faragelin ku haysa arrimaha gudaha Soomaaliya.

Kulan la isagu ka dhexmaray labada dhinac ayaa la filayaa in loo hadlay arrimaha labada dal iyo xiisa ka dhex taagan.

Shirka aan caadiga ahayn ee dalalka IGAD ayaa ajendihiisa ugu wayn waxaa ka mid ah xiisada diblomaasiyadeed ee ka dhex jirta Soomaaliya iyo Kenya.

Ra’iisul Wasaaraha Itoobiya Abiy Ahmed ayaa ku sheegay qoraal uu soo dhigay bartiisa Twitter-ka in awoodda xasilloonida gobolka ay ku saleysan tahay iskaashiga koritaanka iyo horumarka, uuna ku faraxsanahay hogaamiyeyaasha ay miiska wada-hadalka fariistaan oo laga wada hadalo arrimaha cakiran ee ka taagan gobolka.

“Awoodda xasilloonida gobolkeennu waxay ku saleysan tahay iskaashiga koritaanka iyo horumarka. Waxaan ku faraxsanahay hadaan nahay hogaamiyeyaasha inaan miiska wada-hadalno oo aan ka wada hadalno arrimaha cakiran ee ka taagan gobolkeenna”. Ayuu yiri Ra’iisul Wasaare Abiy Axmed.

SHARE