Madaxweynaha Soomaaliya Maxamed Cabdullahi Farmaajo ayaa booqasho ku tegaya dalka Turkiga kaddib markii uu casuumaad ka helay dalka Turkiga sidaas waxaa lagu shaaciyay barta Twitterka ee Villa Soomaaliya.
Madaxweyne Farmaajo ayaa la sheegay in casuumadaan loo fidiyayay ay tahay ka qayb galka shirweynaha lixaad ee xisbigga talada haya dalka Turkiga AK u yeelanayo.
Waxaa sidoo kale madaxweynuhu uu wadahadalo la xiriira dhanka iskaashiga dhaqaale amni iyo sidii sare loogu qaadi ganacsiga iyo maal gashiga uu la yeelan doonaa masuuliyiinta dalka Turkiga.
Booqashadaan aan horay loo sii shaacin ayaa imaaneysa iyada oo madaxweynaha Soomaaliya uu booqasho rasmi ah ku joogo dalka Jabbuuti si meesha looga saaro mugdiga soo kala dhex galay labada dal.
H.E @M_Farmaajo has received invitation from H.E @RT_Erdogan to attend the AK party’s 6th Ordinary Congress on 18th August, and to discuss bilateral relations, cooperation on economy, security and promote trade and investment. #Turkey is #Somalia’s close ally and friend.
— Villa Somalia (@TheVillaSomalia) August 17, 2018
