Madaxweynaha Eriteriya oo gaaray magaalada Addis Ababa

485

Madaxweynaha dalka Eriteriya Asaias Afwerki ayaa gaaray magaalada Addis Ababa ee caasimaadda dalka Itoobiya.

Madaxweyne Isaias Afwerki oo casuumaad ka helay ayaa saaka ku tagay magaalada Addis Ababa booqasho labo cisho halkaasi oo wadahadalo ku saabsan heshiiskii nabadda dhawaan dhexmaray Eriteriya iyo Itoobiya uu kula yeelan doono Ra’iisul Wasaare Abiy Axmed, sida uu sheegay wasiirka Warfaafinta Eriteriya.

Labada hoggaamiye ayaa sidoo kale ka wadahadali doono adkeynta xiriirka labada dal ka dhexeeya iyo arrimaha kale muhiimka ah ee dib loogu unkayo xiriirka diblomaasiyadeed ee Eriteriya iyo Itoobiya.

Eritrea iyo Itoobiya ayaa soo afjaray colaadii muddo 20 in ka badan u dhexeysay kaddib heshiis taariikhi ah oo ay kala saxiixdeen dhawr bilood ka hor.

SHARE