Kuuriyada Waqooyi ayaa xarriga ka siidaysay saddex muwaadin oo Mareykanka ah. Waxa ay ka dambeysay booqasho uu ku tagay Caasimaada Pyongyang Xoghayaha arrimaha dibadda Mareykanka ka hor shirka la filayo inuu dhexmaro Kuuriyada Waqooyi iyo Mareykanka.
Madaxweynaha Mareykanka Donald Trump oo bartiisa Twitterka soo dhiggay qoraal ayaa xaqiijiyay saddexda muwaadin ee xabsiga laga siidayay, isagoo sheegay in caafimaadkoodu uu wanaagsan.
I am pleased to inform you that Secretary of State Mike Pompeo is in the air and on his way back from North Korea with the 3 wonderful gentlemen that everyone is looking so forward to meeting. They seem to be in good health. Also, good meeting with Kim Jong Un. Date & Place set.
— Donald J. Trump (@realDonaldTrump) May 9, 2018
Madaxweyne Trump ayaa sidoo kale sheegay in waqtiga uu dhacayo shirka u dhaxeeya isaga iyo Hoggaamiyaha Kuuriyada Waqooyi Kim Jong-un ayaa la qorsheeyay.
Saddexda muwaadin ee la siidayay ayaa ka ambabaxay dalka Kuuriyada Waqooyi iyadoo uu la socdo Xoghayaha arrimaha dibadda Mike Pompeo, kaasi oo maalmahan ku sugnaa Caasimaada Pyongyang si uga shaqeeyo shirka la qorsheeyay ee u dhaxeeya Kuuriyada Waqooyi iyo Mareykanka.
