Hey`adda sirdoonka Soomaaliya oo xubinimadii ka xayuusibay taliye ku xogeenkii hore

987

Hey`adda nabadsugidda iyo sirdoonka qaranka ayaa war ay soo saartay waxay ku sheegtay in gabi ahaanba hey`adda laga saaray taliye kuxigeenkii hore Cabdalla Cabdalla oo horay xilka  looga qaaday.

Warkaan la soo dhigay barta twitterka ayaa lagu sheegay in  markii ay fariisteen guddi  loo saaray arrinta Cabdalla Cabdalla ay go`aamiyeen in uusan ka sii mid ahaan karin hey`adda oo aan lagu aamini karin shaqo qaran oo xasaasi ah.

Ka saaridda Cabdalla Cabdalla ayaa waxaa sababay kaddib markii uu wareeysi uu aad ugu dhaliilay hoggaanka NISA siiyay idaacadda VOA laanta Afka Soomaaliga ah.

Cabdalla Cabdalla ayaa ahaa taliye kuxigeenkii labaad ee  NISA muddo lix sanno ah, waxaana  dhawaan shaqo joojin ku sameeyay taliayha hey`adda,iyada oo markii danbena xilki laga qaaday.

Taliyaha laga saaray NISA ayaan wali ka falcelin warka soo baxay ee looga saaray hey`adda sirodonka iyo nabadsugidda oo uu muddo ka mid ahaa taliyaasha ugu sarreeya.

SHARE