Madaxwaynaha Soomaaliya Maxamed Cabdullahi_Farmaajo ayaa wareegto uu soo saaray waxa uu ku magacaabay Guddoomiyeyaasha Maxkamadda Gobolka Banaadir iyo Maxakamadda Racfaanka Gobolka Banaadir kadib soojeedin ka timid Guddoomiyaha Maxkamadda Sare ee dalka Baashe Yuusuf Axmed.
Madaxweynaha ayaa xilka Guddoomiyaha Maxkamadda G/ Banaadir waxa uu u magacaabay Garyaqaan Muuse Macallin Maxamed, halka Garyaqaan Abshir Cumar Cabdullaahi isagana loo magacaabay Guddoomiyaha Maxkamadda Racfaanka Gobolka Banaadir.
Waxaa arrintan lagu xaqiijiyay barta Twitter ka ee madaxtooyada Soomaaliya (Villa Somalia) ayadoo sidoo kale tallaabadan Ku tilmaantay inay tahay mid madaxwaynaha uu Ku hergalinayo balanqaadkiisii Ku aadnaa wax ka qabashada cabashooyinka ka taagan dhinaca caddaaladda.
Tallaabadan uu qaaday Madaxweynaha ayaa ku saleeysan ballanqaadkiisii ahaa inuu dib u habayn ku sameeyo nidaamka garsoorka dalka oo kamid ah qorsheyaasha ugu muhiimsan ee Dowladdan horyaalla.
— Villa Somalia (@TheVillaSomalia) July 14, 2018
