Tirada kiisaska Fereska ‘coronavirus’ adduunka oo dhan ayaa ka sarreeya kan cudurka faafa ee Sars, kaasoo ku faafay in ka badan laba iyo toban waddan sanadkii 2003.
Waxaa jiray ku dhawaad 8,100 xaaladood oo ah Sars – oo aad u xanuun daran oo ku dhaca neefsashada – oo la soo sheegey inta lagu gudajiray sideed bilood. Laakiin ku dhawaad 10,000 oo kiis oo fayraska cusub ah ayaa la xaqiijiyay, badidooda Shiinaha, tan iyo markii ay soo baxday bishii Diseembar.
In ka badan 100 kiis ayaa laga soo sheegay dibadda Shiinaha, 22 dal.
Tirada dhimashada ilaa iyo haatan waa 213 – dhammaan Shiinaha. Wadar ahaan, 774 qof ayaa u dhintay cudarka Sars.
Khamiista, Hey’adda Caafimaadka Adduunka ee WHO ayaa ku dhawaaqay xaalad caafimaad oo deg deg ah oo caalami ah tan iyo dillaaca cusub ee Fe Corona.
Boqortooyada Ingiriiska ayaa Jimcihii xaqiijisay labadii kiis ee ugu horreeyay ee feeriska Corona.
Inta badan kiisaska ka baxsan Shiinaha waxay ku jiraan dadka yimid gobolka Wuhan. Laakiin Jarmalka, Japan, Vietnam, Mareykanka, Thailand iyo South Korea ayaa soo sheegay kiisaska qof-ka-qof – bukaanno uu ku dhacay caabuqa feeriska dadka u safray Shiinaha. Madaxa xisbiga shuuciga ee Wuhan ayaa sheegay jimcihii in magaaladu ay ahayd in ay qaaddo talaabooyin deg deg ah si looga hortago feeriska.