Dowladda Soomaaliya oo xaqiijisay in 4 qof oo horleh laga helay cudurka Corona

155
Wasiirka caafimaad Soomaaliya Fowziya Abiikar. Sawirka via Twitter

Dowladda Federaalka Soomaaliya ayaa shaacisay maanya in qofkii ugu horreyay u geeriyooday xanuunka Fayraska Corona gudaha magaalada Muqdisho.

Qofka geeriyooday ayay wasaarada caafimaadka Soomaaliya ku sheegtay 58 jir aan dalka dibadda uga bixin.

Waa qofkii ugu horreeyay oo cudurka Corona awgiis gudaha Soomaaliya ugu geeriyooday.

War qoraal ah oo ka soo baxay wasaaradda Caafimaad Soomaaliya ayay sidaan hoos ku faahfaahisay xaaladda Coronavirus Soomaaliya iyo Kiisaska soo kordhay:

1. Wasaaradda Caafimaadka iyo Daryeelka Bulshada iyada oo ka duulaysa waajibaadka ka saaran inay la wadaagto bulshada Soomaaliyeed hadba wixii ka cusboonaada caabuqa COVID-19, waxay umadda la wadaagaysaa qodobadan:
2. Waxay Wasaaraddu cadaynaysaa in uu bilowday faafitaanka cudurka ee bulshada dhexdeeda (community transmission)

3. Waxay wasaaraddu xaqiijisay maantay 4 xaaladood oo cusub oo la xariirta caabuqa COVID-19 taas oo tirada guud ee xaaladahada caabuqa COVID-19 ka dhigaysa 12

4. 4ta xaaladood oo cusub ayaa ah dad dhamaantood wadanka dhexdiisa joogay oo aan la laheyn xiriir dibadda

5. Waxaa sidoo kale geeriyooday Allaha u naxariistee xaaladdii ugu horraysay ee la xariirta caabuqa COVID-19, Somali 58 jir ah, kaas oo noqnaysa dhimashadii ugu horraysay wadanka gudihiisa

6. Waxaa kamid ah dadka laga helay cudurka 2 Sarkaal oo kamid ah shaqaalaha Wasaaradda Caafimaadka taas oo qasab ka dhigaysa dhammaan dadkii la shaqaynayay ama xariirka la lahaa inay karantiil galaan inta laga xaqiijinayo baaritaankooda

7. Wasaaraddu ku mashquulsantahay raadinta dadka ay xariirka la sameeyeen xaaladahaas cusub

8. Wasaaraddu waxay bulshada Soomaaliyeed mar kale ku adkaynaysaa inay guryohooda ku ekaadaan kana taxadaraan caafimaadkooda iyo badqabkooda

9. Fadlan inagala qayb-qaata xakamaynta cudurka oo raaca tilmaamaha caafimaad ee sida joogtada ah idiinla wadaagayso Wasaaradda Caafimaadka.

SHARE