Madaxda doorashooyinka dalka Afganistan ayaa go’aansaday in ay dib u dhigaan doorashada madaxtinimo muddo saddex bilood ah illaa iyo July 20-keedii, sida ay qortay wakaaladda wararka AFP, oo soo xignaysa Guddoomiyaha Guddiga Madaxa-bannaan ee Doorashooyinka (IEC).
Madaxa Guddiga madaxa bannaan ee doorashooyinka Abdul Badi Sayyad ayaa ku dhawaaqay 30-kii Diseembar in doorashooyinka dowlad goboleedyada iyo degmooyinka, iyo sidoo kale kuwii dib loo dhigay ee baarlamaanka ee gobalka Ghazni, lagu qaban doono isla maalintaas, sida ay sheegtay AFP.
Mas’uuliyiinta doorashooyinka ayaa dhawaan qiray in ay ka fekerayaan in ay dib u soo soo gaabiyaan waqtiga, taas oo la filayay bisha Abriil 2019, sababtoo ah dib u dhac ku yimid diiwaangelinta iyo arrimo farsamada ee socda.
Diiwaangelinta musharixiinta ayaa bilaabantay 22-kii Disembar waxayna ahayd inay socoto ilaa 2-da January. Laakiin taariikhda ayaa la filayaa in la kordhiyo sababtoo ah diiwaan-galin la’aanta musharaxiinta, sida uu sheegay afhayeenka Guddiga doorashooyinka Afgnistan Zabi Sadat u sheegay.
Guddiga doorashooyinka madaxa bannaan ayaa isku dayaya in ay ka fogaato soo noqoshada dhibaatooyin farsamo iyo farsamo oo ballaaran intii lagu gudajiray codeyntii baarlamaanka bishii Oktoobar.
Guddiga doorashooyinka ayaa waxay wali ka shaqaynaya natiijada codbixinta baarlamaanka, indha indhayaashuna waxay muujiyeen walaac ah in ay ku adkaan doonto in ay abaabulaan doorashada madaxweynenimada bisha Abriil.
Guddiga doorashooyinka ayaa goor horeba u aragtay in dib u dhigista doorashada, laakiin waxay balan qadeen bishii November in ay doorashada qabtaan wakhtigii loogu talagalay.
Doorashadan ayaa waxa adkeeyay oo samayn ku yeeshay dadaal diblomaasiyadeed oo lagu doonayo in lagu bilaabo geeddi-socodkii nabadda ee rasmiga ah ee Taliban, kuwaas oo wakiiladoodu u la kulmay ergayga gaarka ah ee Mareykanka u qaabilsan arrimaha nabadda Zalmay Khalilzad dhowr jeer oo wada hadal toos ah.
Khaliilzad ayaa sheegay in heshiis nabadeed oo ay la gali doonaan Taliban uu chici karo bisha April.
