Waxaa Allaha u naxarisitee Saakay ku geeriyooday magaalada Addis Ababa ee dalka Itoobiya abwaankii Soomaaliyeed Maxamuud Cabdulaahi Ciise Sangub, waayadii ugu danbeeyayba xanuunsanaa. Abwaanka ayaa daryeel caafimaad u joogay dalka Itoobiya waxaana geerida abwaanka u xaqiijiyay saxaafada qaar ka mid ah abwaanada Soomaaliyeed.
Alle ha u naxariistee Abwaan Maxamuud Cabdullaahi Ciise Sangub ayaa ka mid ahaa Abwaaniinta Hobolada Waaberi,waxaana uu sameeyay Riwaayado iyo Heeso badan oo hirgalay, waxaana uu ka mid ahaa Abwaaniinta ugu caansan dhulka Soomaalida.
Geerida Abwaan Singub waxaa xaqiijiyay Abwaan Xirsi Dhuux oo ah Guddoomiyaha Golaha abwaannada Qaranka ayaa xaqiijiyay geerida Singub.
Xirsi Dhuux ayaa sheegay inuu Abwaan Sangub cimro u aaday Sucuudiga markii uu ka soo laabtayna uu casuumaad ka helay Ismaamulka Soomaalida halkaas oo uu maanta ku geeriyooday.
Waxaa uu sheegay in Lug xanuuneysay Isbitaaal ku yaalla Adis ababana sidaas ku tagay halkaas oo uu maanta ku geeriyooday.