War-murtiyeed laga soo saaray kulanka bulshada rayidka ee Hanaanka dib u eegisa Dastuurka

544

Dallada Jileyaasha aan Dowliga ahayn ee SOSCENSA

War-murtiyeed
Kulanka Bulshada Rayidka ah ee Hannaanka Dib u eegista Dastuurka Soomaaliya

Horudhac
Dalladaa Bulshada Rayidka ah ee SOSCENSA waxa ay u taagan tahay u qareemidda danta guud ee shacabka
Soomaaliyeed iyo talasiinta Dawladd, Sidaas darteed, waxaa kulan balaaran oo socdey muddo 3 maalmood ah,
lagu qabtay Hotel SYL ee magaalada Muqdisho, waxaana ka soo qeyb galay xubno kala matalaya qaybaha kala
duwan ee ururrada bulshada rayidka ah, kana kala yimid maamul-goboleedyada iyo gobolka banaadir.
Ujeedooyinka shirku waxa uu ahaa: (1) In bulashada rayidku ka tashadaan kaalinta kaga aadan ka qeyb galka dib u
eegista dastuurka kumeel-gaarka ah ee Soomaaliya, gaar ahaan qaabka wada shaqeynta; Guddiga madaxa
bannaan ee dib u eegista iyo hergalinta Dastuurka, Guddiga Baarlamaanka ee kormeerka Dastuurka iyo
Wasaaradda Dastuurka iyo ( 2 ) Dib-u-eegista qodobada iska hor-imaanya ee ku jira dastuurka kumeel-gaarka ee
Soomaaliya.
Ugu danbeeyntii, wadatashi iyo falaqeyn la xariirta kaalinta Bulshada rayidka ah iyo caqabadaha ka haysta habsami
ula shaqeynta hay’adaha dastuuriga ah, waxaa ka qeyb-galayaashu ay isla garteen in doorka bulshada rayidka ah
ee dib-u-eegista dastuurka iyo talo bixintiisuba ay muhiim u tahay horumarka dalka, gaar ahaan dhameystirka qabyo
qoraalka dastuurka. Waxayna ugu baaqayaan guud ahaan dowladda, gaar ahaanna; Guddiga Baarlamaanka ee
kormeerka Dastuurka, gudiga madaxa banaan ee dibu-eegista dastuurka iyo Wasaaradda Dastuurka talo soo
jeedintaan:
1. In la dedejiyo dib u eegista iyo turxaan bixinta Dastuurka
2. In la abuuro guddi kor joogto dib u eegista Dastuurka oo ay bulshada rayidku ku leeyihiin xubno muhiim ah
3. In la helo khubaro Soomaaliyeed oo la shaqeeya guddiyada dastuuriga ah ee did-u-eegista dastuurka,
lehna sifooyinka wadaniyadda iyo cadaaladda
4. Maadama aanay dadku aqoon u laheyn Federaalka, waa inay Dastuurka ku cadahay nooca Federaalka la
qaadanayo
5. Si guud ahaan bulshadu u hesho fursad ay uga qeyb qaadato dhameystirka Dastuurka dawladu waa inay
xoojisaa amniga iyo maamul wannaagga.
6. In heshiisiin iyo wadahadal loo furo bulshada lagana soo bilaabaa heer hoose taas oo garab soconaysa dib-
u eegista Dastuurka.
7. In la helo wakhti kooban iyo qorshe cad oo bulshadu ogtahay laguna dhameystirayo dib u eegista
Dastuurka.
8. In dastuurka si buuxda loogu qeexaa ilaalinta mabaadi’da iyo maqaasidda shareecada islaamka.

9. In la soo dedejiyo kullamada dastuuriga ah ee looga hadlayo arimaha masiiriga ah ee la xiriira maqaamka
caasimadda iyo Gobalka Banaadir.
10. Si loo ilaaliyo hufnaanta iyo isla xisaabtanka hanaanka dib u eegista Dastuurka, waa in bulshada rayidku ku
yeeshaan door muhiim ah oo muuqda, maadama ay ayagu ku dhex jiraan bulshada.
11. In qaab dhismeedka garsoorka lagu saleeya mid ka mida nidaamyada ka jira wadamada federaalka ah
Ururada bulshada rayidka ah ee ka soo qeyb galey kulankii sadexda maalmood ahaa ee ka dhacay Hoteelka SYL,
waxay ugu baaqayaan dhammaan ururrada bulshada rayidka ah ee Soomaaliyeed in ay si mug leh uga qeyb
qaataan hannaanka dib u eegista Dastuurka Soomaaliya.
Ugu danbeyntii SOSCENSA oo u taagan xariirinta iyo fududeynta wada hadalada & talo-wadaagga arrimaha
muhiimka u ah bulshada waxay u mahadcelinaysaa xubnihii ka socdey ururada bulshada rayidka ah ee ka soo qeybgaley kulankaan.

Waad Mahadsantihiin

SHARE